Protesta e zhvilluar sot ka ndryshuar itinerarin, duke u zhvendosur nga sheshi “Skënderbej” drejt Kuvendit të Shqipërisë, ku po mbahet seanca plenare.

Gjatë ditëve të kaluara, marshimi i qytetarëve është zhvilluar nga sheshi “Skënderbej” drejt Kryeministrisë, ndërsa sot protestuesit kanë zgjedhur t’i drejtohen institucionit të Kuvendit.

Në seancën plenare të Kuvendit të Shqipërisë është i pranishëm edhe Kryeministri Edi Rama.

Ndërsa socialistët ndodheshin ende brenda ambienteve të Kuvendit duke votuar rendin e ditës, protestuesit i quanin në kor hajdutë dhe tradhtarë, duke bërë thirrje edhe për dorëheqjen e kryeministrit Edi Rama.

Ndërkohë, opozita ishte larguar nga ambientet e Kuvendit.