Deputetja socialiste Bora Muzhaqi, e njohur për gafat e saj, ka shfaqur kritika për fjalimet e kolegëve të saj të PS në Kuvend, por edhe për ato të deputetëve demokratë.

Ajo është shprehur se duket sikur nga njëra anë Shqipëria ishte “sterrë”, kurse nga ana tjetër më “rozë” se sa është.

“Teksa dëgjoja fjalimet nuk arrita të kuptoja ku përfundote inteligjenca artificiale dhe ku mbaronte demagogjia.

Të dyja të bënin të mendoje sikur jetoje në një botë paralele.

Nga njëra anë Shqipëria ishte zi dhe sterr, nga ana tjetër ishte ndonjëherë çik më rozë se ç’është.

Realiteti tregon që punë të mira janë bërë plot dhe kemi dhe shumë puën për të bërë”, u shpreh Muzhaqi, duke renditur më tej disa nga arritjet në disa fusha të vendit.