Një ditë më parë, Elisa Spiropali deklaroi se PS po zëvendësohet nga një strukturë fosile me emërime okulte, ndërsa akuzoi se institucionet përdoren si hanxhar.

Por ditën e sotme, Spiropali duket se i ka harruar kritikat dhe ka publikuar në rrjetet sociale një takim në zonën e Liqenit të Thatë, me strukturat socialiste.

“Kudo dhe kurdo me socialistët, për Shqipërinë siç i ka hije”, shkruan Spiropali në një postim në rrjetet sociale.

Dje, Spiropali tha se institucionet nuk funksionojnë më si mekanizma vendimmarrjeje dhe llogaridhënieje, por si mjete presioni dhe kontrolli, duke u përdorur si “hanxhar” ndaj individëve, bizneseve, mediave dhe grupeve të caktuara.