Policia e Lezhës ka finalizuar operacionin e koduar “Reagimi”, duke arrestuar në flagrancë një 28-vjeçar të dyshuar për tentativë vrasjeje ndaj nënës së bashkëjetueses së tij.

Sipas njoftimit zyrtar, në pranga është vënë shtetasi C. B., banues në Tiranë. Ngjarja ka ndodhur rreth orës 02:05 në lagjen “Skënderbeg” të Lezhës, ku i riu dyshohet se ka shkuar me automjet për të marrë bashkëjetuesen. Në momentin kur kanë dalë familjarët e saj, për motive që lidhen me marrëdhëniet familjare, ai dyshohet se ka goditur me automjet nënën e saj, shtetasen K. H., 43 vjeçe, duke i shkaktuar dëmtime trupore dhe më pas është larguar nga vendi i ngjarjes.

Falë reagimit të menjëhershëm dhe veprimeve intensive të strukturave të Policisë së Lezhës, në bashkëpunim me Forcën e Posaçme “Shqiponja”, autori i dyshuar u lokalizua, u kap dhe u arrestua.

43-vjeçarja u transportua për mjekim në Spitalin e Traumës në Tiranë, ku ndodhet nën kujdesin e mjekëve.

Gjatë operacionit, policia sekuestroi automjetin e përdorur në ngjarje, në cilësinë e provës materiale.

Ndaj 28-vjeçarit rëndon akuza për veprën penale “Vrasja për shkak të marrëdhënieve familjare”, mbetur në tentativë, ndërsa materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Lezhë për veprime të mëtejshme.

Lezhë

Finalizohet operacioni policor i koduar “Reagimi”.

Tentoi të vriste, duke e goditur me automjet nënën e bashkëjetueses, duke i shkaktuar dëmtime trupore, dhe u largua nga vendi i ngjarjes, falë reagimit të menjëhershëm të Policisë, kapet dhe vihet në pranga 28-vjeçari.

Sekuestrohet automjeti i përdorur në ngjarje.

Specialistët për Hetimin e Krimeve ndaj Personit në DVP Lezhë, në bashkëpunim me specialistët për Hetimin e Krimeve të Komisariatit të Policisë Lezhë dhe Sektorin e Forcës së Posaçme “Shqiponja”, finalizuan operacionin policor të koduar “Reagimi”, si rezultat i të cilit u arrestua në flagrancë shtetasi C. B., 28 vjeç, banues në Tiranë.

Nga veprimet e para hetimore rezulton se, rreth orës 02:05, në lagjen “Skënderbeg”, në Lezhë, 28-vjeçari ka shkuar me automjet për të marrë bashkëjetuesen e tij. Në këtë moment kanë dalë familjarët e saj dhe, për motive që lidhen me marrëdhëniet familjare, ai dyshohet se ka përplasur me automjet nënën e bashkëjetueses, shtetasen K. H., 43 vjeçe, duke i shkaktuar dëmtime trupore, dhe më pas është larguar nga vendi i ngjarjes.

Si rezultat i reagimit të shpejtë dhe veprimeve intensive të Policisë, në kuadër të operacionit policor të koduar “Reagimi”, u lokalizua, u kap dhe u vu në pranga shtetasi C. B., 28 vjeç, për veprën penale “Vrasja për shkak të marrëdhënieve familjare”, mbetur në tentativë.

E dëmtuara u transportua në Spitalin e Traumës, në Tiranë, ku vijon të jetë nën kujdesin e mjekëve.

Në cilësinë e provës materiale u sekuestrua automjeti i përdorur në ngjarje.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.