Një ngjarje e rëndë është regjistruar mbrëmë në zonën e Lagadas në Greqi, ku një shqiptar ka tentuar të vrasë kunatin e tij 37-vjeçar. Konflikti ka ndodhur teksa shqiptari ka qenë në gjendje të dehur.

Fatmirësisht, nga të shtënat, 37-vjeçari nuk është plagosur. Mediat greke raportojnë se autori 39-vjeçar ka tentuar t’i shpëtojë arrestimit, duke qëlluar sërish në ajër dhe duke u futur në oborrin e një kishe.

Më pas ai është arrestuar nga autoritetet greke, ndërsa arma e sekuestruar ka rezultuar e vjedhur në janar, në një banesë në zonën e Lagadas.