Studentët kanë protestuar këtë të martë para Ministrisë së Arsimit, ku nuk kanë munguar tensionet dhe aktet e dhunës.

Protestuesit kanë nisur të hedhin vezë dhe të shkruajnë me sprej në muret e godinës.

Më pas, ata kanë shkulur kangjellat metalike dhe tullat nga trotuari, duke i hedhur në drejtim të ministrisë dhe duke thyer xhamat e dritareve.

Situata është përshkallëzuar më tej, kur protestuesit janë futur brenda rrethimit të godinës, ndërsa nga turma janë dëgjuar thirrjet: “Digje, digje!”.