Në një periudhë me inflacion të lartë dhe çmime të paqëndrueshme, menaxhimi i financave personale është bërë më i rëndësishëm se kurrë. Megjithatë, ekspertët paralajmërojnë se tre gabime kryesore vazhdojnë të bëhen nga shumica e njerëzve.

1. Moskrijimi i një fondi emergjence

Statistikat tregojnë se pothuajse 70% e individëve nuk kanë të kursyer as fondin e një muaji jetese. Çfarë ndodh kur prishen pajisjet shtëpiake, kur humbet puna apo shfaqet një urgjencë shëndetësore? Zakonisht, zgjidhja janë kreditë e shpejta – të cilat çojnë tek gabimi i dytë.

2. Përdorimi i kredive të shpejta

Kreditë e shpejta shihen si rrugë e thjeshtë për të marrë para. Por norma reale e interesit shpesh është marramendëse. Shumë qytetarë marrin një kredi të vogël, të cilën s’e kthejnë dot në kohë, dhe përfundojnë në një zinxhir borxhesh.

3. Nënvlerësimi i “shpenzimeve të vogla”

Kafja e përditshme, blerjet spontane, porositë online – të gjitha duken të parrezikshme. Por në fund të muajit ato bëjnë 50–100 mijë lekë “të padukshme” që ndikojnë drejtpërdrejt në buxhet.

Zgjidhjet janë të thjeshta:

– krijoni një fond emergjence (edhe me 10–20 euro në javë)

– shmangni kreditë e shpejta,

– mbani një listë javore të shpenzimeve që zakonisht nuk i vini re./living