Një 30-vjeçare e huaj është gjetur e vrarë në një banesë të marrë me qira në Tiranë.

Policia bën me dije se gjatë këqyrjes paraprake, në trupin e vajzës janë konstatuar plagë të ndryshme, që dyshohet se janë shkaktuar me mjet prerës.

Njoftimi i policisë:

Rreth orës 12:55, në rrugën “Gjon Muzaka”, është gjetur pa shenja jete në banesën që kishte marrë me qira, një shtetase (dyshohet e huaj), rreth 30 vjeçe.

Gjatë këqyrjes paraprake të trupit janë konstatuar plagë që dyshohet se janë shkaktuar me mjet prerës.

Trupi i pajetë do t’i nënshtrohet ekspertizës mjekoligjore.

Grupi hetimor po punon për identifikimin e kësaj shtetaseje, sqarimin e rrethanave dhe dokumentimin ligjor të rastit.