Gazetarja Klodiana Lala ka folur rreth arrestimit të Ilir Metës duke e cilësuar si një lajm që nuk ishte i beftë. Ajo u shpreh se Meta ka qenë ‘shënjestër’ e SPAK që prej gati 4 vitesh.

Gazetarja zbuloi se nga një celular i sekuestruar janë nxjerrë të dhëna të reja për veprimtarinë e tij.

“Nuk ishte lajm i beftë arrestimi i Ilir Metës. Meta prej kohësh ka pasur gjuhë të ashpër ndaj SPAK. Janë dhe persona të tjerë me masë sigurie. Me masë detyrim paraqitje është edhe Monika Kryemadhi, ish-bashkëshorte e Ilir Metës.

Prokuroria ka 4 vite që ka nisur hetimet për disa çështje. Së pari, hetimi ka qenë me aferën CEZ-DIA, ka qenë i dënuar për çështjen Kastriot Ismailaj dhe ka pasur persona të tjerë të hetuar.

Janë tre çështje të ndara, që janë ndalur tek hetimi pasuror.

Edhe nga një celular i sekuestruar janë nxjerrë të dhëna të reja për veprimtarinë e Ilir Metës”, tha Lala në News24.