Të paktën 170 viktima, teksa qindra persona të tjerë janë shpallur të zhdukur. Ky është bilanci i fundit nga përmbytjet në Nepal, të cilat kanë detyruar mijëra banorë të largohen nga shtëpitë e tyre, teksa uji dhe balta kanë arritur në nivele ekstreme.

Ministria e Brendshme ka dislokuar në terren të gjitha forcat e saj, teksa vendi prej 3 ditësh është përfshirë nga shira të rrëmbyeshëm musonikë.

Mbi 5000 ushtarë janë dislokuar për t’iu ardhur në ndihmë banorëve në zonat rurale të Nepalit, atje ku raportohet për dëme të pallogaritshme materiale.