Policia e Tiranës ka dhënë informacion mbi përplasjen me armë të ndodhur pasditen e sotme në rrethrrotullimin e Vorës.

Mësohet se dy persona janë konfliktuar me njëri-tjetrin, për motive që nuk dihet ende. Ndërsa personi që ndodhej në makinën tip “BMW”, dyshohet se ka qëlluar me armë zjarri në ajër.

Mesohet se një prej personave i përfshirë në konflikt është Ermir Labe, 39-vjeç. Nga të shtënat nuk ka persona të lënduar.

Njoftimi i Policisë:

Më datë 24.09.2024, rreth orës 17:40, në afërsi të rrethrrotullimit të Vorës, ka patur një konflikt mes shtetasve A. G., 25 vjeç, E. L., 39 vjeç, të cilët lëviznin me një mjet “Volkswagen Golf 5”, dhe shtetasit J. L., 31 vjeç, që lëvizte me një mjet tip “BMW”.

Gjatë konfliktit nga automjeti tip “BMW” dyshohet se është qëlluar një herë me armë zjarri në ajër. Nga e shtëna me armë zjarri nuk ka persona të dëmtuar.

Shërbimet e Policisë po punojnë për kapjen e shtetasit J. L., ndërsa grupi hetimor ndodhet në vendngjarje dhe po punon për sqarimin e rrethanave të ngjarjes.