Kryeministri Edi Rama përmes një postimi në Facebook ka shkruar se nga janari deri në gusht të këtij viti në Shqipëri kanë qenë 8.5 milionë vizitorë.

Rama thotë se shifrat e vizitorëve që frekuentojnë Shqipërinë janë çdo vit e në rritje. Ai theksoi se Shqipëria po tërheq turistë edhe nga vendet e largëta si Australia, Zelanda e Re, Meksika, Brazili, Kina e Japonia.

Postimi i plotë i Ramës:

8,5 MILIONË vizitorë të huaj shijuan vendin tonë nga janari deri në gusht të këtij viti, jo vetëm më të shumtë në numër krahasuar me vitin e shkuar të shpërthimit të Shqipërisë Turistike, por edhe me një larmishmëri më të madhe të vendeve të origjinës, nga ku patjetër janë rritur flukset e mëparshme prej burimeve të mëparshme, po edhe janë shfaqur flukse të reja turistësh nga vendet të largëta si Meksika, Brazili, Kanadaja, Zelanda e re dhe Australia, po edhe nga Azerbajxhani, Kina e Japonia, ku shifrat premtojnë rritje të mëtejshme në rrugën drejt Shqipërisë 2030, ndërsa viti turistik vijon me grupe të tëra që shijojnë destinacionet e shumta nga veriu në jug, në majat e maleve, pikat e trashëgimisë kulturore, luginat e lumenjtë përgjatë trupit të mrekullueshëm të Shqipërisë, si edhe në Tiranën e kthyer në stacionin e preferuar të turistëve.