Të tjera detaje janë mësuar nga zjarri që ka rënë te “Lobby Home” në Lundër.

Pas rënies së zjarrit, u evakuuan njerëzit që ishin brenda ambienteve të biznesit.

Zjarri ka rënë tek sistemet e kondicionimit, ndërsa është shuar pas pak minutash. Edhe policia, me një deklaratë zyrtare, ka sqaruar ngjarjen.

Njoftimi i policisë:

Më datë 11.09.2024, në afërsi të qendrës tregtare TEG, në tarracën e një biznesi (në sistemet e kondicionimit) ka rënë zjarr.

Zjarri është fikur dhe si pasojë ka vetëm dëme materiale.

Grupi hetimor po punon për sqarimin e rrethanave të ngjarjes.