I shumëkërkuari Marklen Haka është arrestuar pasi ishte në kërkim nga SPAK, në kuadër të operacionit ‘Revansh’.

Ndërkohë që janë publikuar pamjet e momentit të shoqërimit të tij në ambientet e Drejtorisë së Policisë së Tiranës. Në foton e publikuar të arrestimit, Markleni duket i rrethuar nga forcat RENEA.

Mësohet se ai është arrestuar në Nikël të Krujës, ndërsa kujtojmë që Marklen Haka është pjesë e “Bandës së Niklës”, ku në shtator të 2019 i shpëtoi një atentati, ku mbeti e vdekur halla e tij.

Më tej ai u përball edhe me një atentat tjetër në 2022 ku mbeti i plagosur. Haka akuzohet për tentativë vrasje, grup kriminal e armëmbajtje pa leje.