Një ngjarje e rëndë është regjistruar mbrëmjen e sotme në Maliq të Korçës, një tjetër rast i dhunës ndaj grave.

Mësohet se një grua është dhunuar brutalisht nga bashkëshorti i saj, i cili ka nisur ta qëllojë me grushte në fytyrë.

Më pas edhe vjehrri ka nisur ta dhunojë gruan, së bashku me djalin e tij.

Kanë qenë fqinjët ata që fillimisht kanë njoftuar policinë. Blutë kanë bërë të mundur arrestimin e burrit si dhe kanë proceduar në gjendje të lirë babain e tij, ndërsa gruaja është pajisur me urdhër mbrojtjeje.