Pas përfundimit të Big Brother Vip 3, ku u rendit i dyti, Jul Deda, rikthehet në ekran. Aktori i humorit do të moderojë emisionin ‘Fiks Fare’.

Lajmin e ka bërë vetë të ditur Deda, përmes një postimi në Instagram, ndërsa mësohet se krah tij do të jetë moderatorja Xhemi Shehu.

“Rikthim aty ku e nisa, ne Top. Sezon i ri, sfide e re per mua. Fiks Fare po vjen. Sukese @xhemishehu , kenaqesi te jemi bashke ne kete rrugetim..!”, shkruan ai.

Kujtojmë se Jul Deda është rikthyer në ekranin e Top Channel pas shumë vitesh. Ai ka qenë aktor humori në programin Portokalli, por tashmë do ta shikojmë në një version tjetër.

Më herët, emisioni Fiks Fare është moderuar nga dyshja Devis Muka dhe Dorian Ramaliu.