Një aksident ka ndodhur mesditën e kësaj të marte në Durrës.

Mësohet se aksidenti është regjistruar në lagjen 16 në Durrës, ku një mjet është përplasur me një furgon pasi kaloi me semafor të kuq.

Bëhet me dije se mjeti kaloi me semafor të kuq pasi ishte me urgjencë për në spital ku po dërgonte fëmijën e tij.

Fatkeqësisht si pasojë e kalimit me semafor të kuq mjeti u përplas me furgonin dhe më pas edhe me disa makina të tjera të cilat ishin parkuar anash rrugës.

Në vendin e ngjarjes mbërritën forcat e policisë si dhe ambulanca e cila bëri të mundur dërgimin e fëmijës në spital. Ndërkohë, nga përplasja e mjeteve fatmirësisht pati vetëm dëme materiale.