Një ngjarje e rëndë është shënuar sot në lagjen “10 Korriku” në Vlorë.

Policia bën me dije se një 29-vjeçare ka rënë në kontakt me rrymën elektrike në oborrin e banesës së saj dhe për pasojë ka humbur jetën.

Njoftimi i policisë:

Informacion paraprak/Sot, në lagjen “10 Korriku”, Vlorë, dyshohet se aksidentalisht ka rënë në kontakt me rrymën elektrike, në oborrin e banesës, shtetasja Xh. B., 29 vjeçe, e cila si pasojë ka humbur jetën.

Grupi hetimor po punon për sqarimin e plotë të rrethanave të rastit.