Skandali/ Zyrtarja e Arsimit në Tiranë e përfshirë në mashtrim me bursat amerikane, alarmi u dha nga ambasada e SHBA

Një zyrtare arsimore në nivel vendor, pjesë e Drejtorisë së Përgjithshme të Arsimit Parauniversitar në Ministrinë e Arsimit është vënë në hetim nga prokuroria, si dhe i është kontrolluar banesa, pasi në bashkëpunim me persona të tjerë ka krijuar një skemë mashtrimi për ofrimin e mundësive/bursave për studentët, për studime në SHBA.

Ky hetim ka nisur pas denoncimit të bërë publik nga Ambasada e ShbA në Tiranë, e cila ka theksuar se ‘është në dijeni të një të ashtuquajturi projekt të njohur si “Let’s Talk Together About US24”, por ky grup nuk ka asnjë lidhje me Ambasadën e SHBA, Departamentin e Shtetit të SHBA, Departamentin e Arsimit të SHBA, programet tona arsimore ose personelin e ambasadës’.

‘Shtetasja V. L. është vënë në hetim, bashkë me shtetasen K. J., pasi dyshohet se në bashkëpunim me shtetas të tjerë, kanë krijuar një skemë mashtrimi, duke falsifikuar dokumente, për ofrimin e mundësive/bursave për studentët, për të studiuar në universitetet e SHBA-së, nëpërmjet projektit të njohur si “Let’s Talk Together About US24”, thuhet në njoftimin e policisë.

Denoncimi i Ambasadës së ShBA në Tiranë:
Ambasada e SHBA është në dijeni të një të ashtuquajturi projekt të njohur si “Let’s Talk Together About US24.” Ky grup nuk ka asnjë lidhje me Ambasadën e SHBA, Departamentin e Shtetit të SHBA, Departamentin e Arsimit të SHBA, programet tona arsimore ose personelin e ambasadës. Shërbimi i Sigurisë Diplomatike i Departamentit të Shtetit të SHBA do të vazhdojë të punojë me Policinë e Shtetit teksa ajo heton përmasat e kësaj skeme mashtruese.
U bëjmë thirrje të gjithë shqiptarëve të jenë të kujdesshëm ndaj mashtrimeve që garantojnë udhëtime falas në Shtetet e Bashkuara, si dhe viza amerikane pa pagesë ose me kosto të ulët. Gjithashtu, i bëjmë thirrje kujtdo që të kontaktojë Ambasadën e SHBA nëse dyshon se ndonjë person ose organizatë përpiqet të paraqesë veten në mënyrë të gënjeshtërt si të lidhur me ambasadën.

The U.S. Embassy is aware of an alleged project known as “Let’s Talk Together About US24.” This group has no affiliation with the U.S. Embassy, the U.S. Department of State, the U.S. Department of Education, our educational programs, or Embassy personnel. The U.S. State Department’s Diplomatic Security Service will continue to work with the Albanian State Police as it investigates the extent of this fraudulent scheme.
We urge all Albanians to be wary of scams that guarantee free trips to the United States, as well as free or reduced-cost U.S. visas. We also urge anyone to contact the U.S. Embassy if they suspect a person or organization is attempting to misrepresent themselves as affiliated with the Embassy.

Njoftimi/ Policia e Shtetit
Departamenti i Policisë Kriminale, në drejtimin e Prokurorisë së Tiranës, hetime të përbashkëta me zyrtarë të zbatimit të ligjit të ambasadës së SHBA-së në Tiranë, për zbulimin dhe goditjen e një skeme mashtrimi për ofrimin e mundësive/bursave për studentët, për studime në SHBA.

Në vijim të veprimeve hetimore, Policia ekzekutoi vendimin e Gjykatës, për ushtrimin e kontrollit në banesën e shtetases V. L., zyrtare arsimore në nivel vendor, pjesë e Drejtorisë së Përgjithshme të Arsimit Parauniversitar në Ministrinë e Arsimit.

Shtetasja V. L. është vënë në hetim, bashkë me shtetasen K. J., pasi dyshohet se në bashkëpunim me shtetas të tjerë, kanë krijuar një skemë mashtrimi, duke falsifikuar dokumente, për ofrimin e mundësive/bursave për studentët, për të studiuar në universitetet e SHBA-së, nëpërmjet projektit të njohur si “Let’s Talk Together About US24.”

Vijojnë hetimet për të identifikuar dhe nxjerrë përpara përgjegjësisë penale, të gjithë shtetasit e përfshirë në këtë skemë mashtrimi.