Pas tensioneve në sallën e seancave plenare dhe bllokimit të foltores nga ana e deputetëve të opozitës, parlamenti rrëzoi me shumicë votash kërkesën e deputetëve të opozitës në lidhje me mocionin me debat për investigimin e emisionit e Rai3.

Kërkesa për mocion me debat me kryeministrin Rama u rrëzua me voatat e socialistëve. Pas tensioneve në sallë kreyparlamentarja Lindita Nikolla vendosi ndërprerjen e seancës plenare dhe mbajtjen e një pushimi prej 10 minutave.

“Do shoqëroni të tjerët që janë përjashtuar nëse zaptoni foltoren. Lironi foltoren që të vijojmë normalisht për Shqipërinë dhe shqiptarët. Të vazhdojmë normalisht jo me thashetheme, por me të vërteta”, tha Nikolla, e cila u detyruar të ndërpriste seancën për të disatën herë.

Ndërkohë që tensionet vijuan dhe në ambientet e jashtme, ku protestuesit e opozitës pas djegies së gomave tentuan të thyejnë kordonin e policisë dhe të hyjnë në ambientet e parlamentit.

Policia përdori “spray” lotsjellës për të larguar turmën e qytetarëve të cilët shtyheshin fizikisht me uniformat blu.