Po i shisnin lëndën narkotike një malazezi, arrestohen nënë e bir në Shkodër

Një 23-vjeçar dhe e ëma e tij, 58-vjeçe, kanë përfunduar në prangat e policisë së Shkodrës, pasi u ndaluan në flagrancë duke i shitur një sasi prej 3.8 kg kanabisi një shtetasi malazez.

Policia bën me dije se ka arrestuar dhe 63-vjeçarin malazez i cili do të blente lëndën narkotike.

Në cilësinë e provës materiale janë sekuestruar, lënda narkotike, 2 automjete dhe 6 celularë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

“Seksioni për Hetimin e Narkotikëve, në bashkëpunim me Seksionin e për Hetimin e Trafiqeve dhe me Forcën e Posaçme “Shqiponja” të DVP Shkodër, gjatë këtij operacioni, arrestuan në flagrancë shtetasit V. Y., 58 vjeçe dhe K. Y., 28 vjeç (nënë e bir), shtetasin S. F., 63 vjeç, si dhe shtetasin nga Mali i Zi, I. D., 35 vjeç.

Në fshatin Kullaj, shtetasit K. Y. dhe S. F. u kapën në flagrancë, teksa i shisnin 35-vjeçarit, rreth 3.8 kg lëndë narkotike cannabis sativa, për sigurimin e së cilës dyshohet se kanë bashkëpunuar me shtetasen V. Y.”, thueht në njoftimin e policisë.