Vdekja e dy ukrainaseve në Tiranë, policia jep detaje: Kanë konsumuar mbidozë ilaçesh

Janë gjetur pa jetë trupat e dy vajzave ukrainase në zonën e Selvisë në kryeqytet.

Dyshohet se dy vajzat kanë konsumuar mbidozë ilaçesh.

NJOFTIMI I POLICISË:

Tiranë/Informacion paraprak

Më datë 10.05.2024, rreth orës 13:35, në Rrugën e Dibrës, në banesë, janë gjetur nga shoqja e tyre e dhomës, pa shenja jete shtetaset ukrainase A. K., 25 vjeçe dhe A. L., 40 vjeçe.

Paraprakisht dyshohet se dy shtetaset kanë humbur jetën për shkak se kanë konsumuar mbidozë ilaçesh me përmbajtje lëndësh narkotike.

Është ngritur grupi hetimor së bashku me ekspertë të ADN-së dhe Ekspertimeve Biologjike pranë Institutit të Policisë Shkencore të cilët ndodhen në vendngjarje dhe po punojnë për sqarimin e rrethanave të ngjarjes.