Fitoi gjyqin në Strasburg, KPA rikthen në detyrë prokuroren Antoneta Sevdari

Kolegji i Posaçëm i Apelimit riktheu në detyrë prokuroren Antoneta Sevdari, e shkarkuar pak kohë më parë.

Ish-anëtarja e KLP e çoi çështjen ndaj saj në Gjykatën e Strasburgut, që urdhëroi rishikimin e vendimit të Kolegjit të Posaçëm të Apelimit.

Sevdari kaloi shkallën e parë të vetingut dhe u zgjodh anëtare e Këshillit të Lartë të Prokurorisë, por u shkarkua nga Kolegji i Posaçëm i Apelimit.

Rreth një vit më parë ajo fitoi procesin me qeverinë në Gjykatën e Strasburgut.

Në vendimin e Strasburgut theksohej se në lidhje me rastin e Sevdarit ka shkelje dhe se shkarkimi nuk ka qenë proporcional.