Lideri i Syrizës vizitë në jug të Shqipërisë, takime me minoritetin në Bularat

Stefanos Kasselakis, kryetari i partisë më të madhe opozitare në Greqi, Syriza, ka nisur këtë të enjte vizitën e tij në jug të Shqipërisë.

Kasselakis do të kërkojë votën e mitoritetit grek në Shqipëri për kandidatët e partisë Syriza, për të përfaqësuar Greqinë si eurodeputetë në Parlamentin Europian.

Turi i liderit të opozitës në Greqi nisi nga Jananina, ku pas takimit që pati në Kallpaq ai u drejtua drejt kufirit shqiptar, ku u ndal fillimisht në Bularat.

Kasselakis mbajti një takim në shkollën e Bularatit me drejtues të Zyrës Arsimore Finiq-Dropull.

Në takim ai u shoqërua nga konsulli grek në Gjirokastër, Dimitrios Sacharidis, krystari i bashkisë Dropull Dhimitër Toli.

Më pas lideri i opozitës në Greqi do të drejtohet drejt bashkisë së Dropullit, ku do të ketë takime në Jorgucat, në Vanistër dhe Vrisera.