Goditi me sende të forta efektivin në Shkodër, vetëdorëzohet në Polici autori

Është vetëdorëzuar në Polici autori i plagosjes me sende të forta të efektivit Admir Okaj në Shkodër.

Sipas burimeve, bëhet me dije se ngjarja ka ndodhur pas një konflikti që ai ka pasur me një prej fqinjëve të tij.

Po ashtu mësohet se arma e shërbimit të policit është shprepur në mënyrë të pavullnetshme, por pa shkaktuar dëme në njerëz.

Ndërkohë vijon puna për zbardhjen e plotë të rrethanave të ngjarjes.

Njoftimi i Policisë:

Shkodër-Në lidhje me informacionin e dhënë më parë, sipas të cilit shtetasi O. G., 47 vjeç, ka dëmtuar në kokë, me sende të forta, shtetasin A. O., 49 vjeç, (punonjës policie), ju informojmë se pas kontrollit dhe presionit të Policisë, 47-vjeçari është vetëdorëzuar në Komisariatin e Policisë Shkodër.

AMP dhe grupi hetimor vijojnë punën për zbardhjen e rrethanave të këtij rasti.