Rikthehet dimri! Reshje, erë e fortë dhe shtrëngata, çfarë pritet sot nga moti

Sot priten reshje mesatare deri lokalisht intensive në qarqet Shkodër, Kukës, Korçë, Vlorë dhe Gjirokastër, ndërsa në qarqet e tjerë reshje të dobëta deri lokalisht mesatare.

Në qarqet Shkodër, Kukës, Tiranë, Elbasan, Korçë, Vlorë dhe Gjirokastër reshjet pritet të shoqërohen me shtrëngata.

Në Veri të vendit, në lartësitë mbi 900 m nga niveli i detit reshjet do të jenë në formë dëbore.

Temperaturat minimale dhe maksimale të ajrit pritet të arrijnë: në bregdet: 10 / 13 °C , në vendet e ulëta: 8 / 13 °C dhe në vendet malore: 3 / 10 °C.

Era pritet të fryjë mesatare deri e fortë, kryesisht në bregdet.