REPLIKAT/ Flamur Noka shpërthen ndaj gazetarit: Mbylle gojën po të them! Ça do ti? Do pushkë?

Sekretari i Përgjithshëm i “Rithemelimit” Flamur Noka ka folur rreth situatës së Partisë Demokratike dhe “Rithemelimit”.

Ndërsa diskutonin në studio, ai pati edhe një debat me gazetarin Ardit Hoxha, të cilit i tha të mos flasë pasi “nuk të kam zgjedhur për këshilltar”. Kjo pasi gazetari i tha se nëse nuk e bëjnë dot ndryshimin në vend mbase duhet të largohen.

Pjesë nga debati në studio:

Flamur Noka: Kur të të marr këshilltar ty, do të dëgjoj, sa kohë je altoparlant i regjimit nuk të dëgjoj!

Ardit Hoxha:Të kërkoj ta tërheqësh mbrapsht, këtë s’ta lejoj!

Flamur Noka: Hesht dhe dëgjo!

Ardit Hoxha: Jo, unë të dëgjova mjaftueshëm, nuk më thatë asgjë. Kë dy vite që këto që ju thatë tani i kam dëgjuar në çdo konferencë nga ju e nga zoti Berisha. Krimi, droga..të gjitha i kam dëgjuar, i kam mësuar edhe përmendësh.

Flamur Noka: Po për zotin Rama ke dëgjuar? Po për demokracinë dëgjon gjëkundi ti djalosh?

Ardit Hoxha:Të gjitha i kam dëgjuar. Unë nuk dua leksione.

Flamur Noka: Demokraci të duket kjo ty? Ça do ti? Do pushkë?

Ardit Hoxha:Unë nuk dua leksioni, po se bëtë dot, largohuni! Ta bëjë dikush tjetër.

Flamur Noka: Ta lë ty? T’ia lë Edi Ramës?

Ardit Hoxha: Atë caktojeni ju. Se na bëtë edhe të pafytyrë! Unë të paktën nuk përqafohem pas seancave me përfaqësuesit e regjimit.

Flamur Noka: Thuaja tjetër kujt, jo mua. Këtë dhe mbyll gojën! Mbylle gojën se po të them unë!