Nusja dhe dhëndri i vënë flakën vetes gjatë ceremonisë martesore, pamjet ‘thyejnë’ rrjetin

Prej vitesh, njerëzit kanë gjetur mënyra të ndryshme për ta bërë dasmën e tyre sa më epike dhe emocionuese. Nga më normalet deri tek çmenduritë, metodat janë të ndryshme.

I tillë ka qenë rasti i një çifti në SHBA. Gabe Jessop dhe Ambyr Bambyr i vunë vetes zjarrin qëllimisht. Dyshja, të cilët i bashkoi industria e filmit, dëshiruan që me këtë veprim dasma e tyre të mbahej mend më gjatë.

Pamjet e shpërndara në rrjete sociale shfaqin çiftin të kapluar nga zjarri, i cili filloi nga buqeta e luleve dhe më pas u përhap në kurrizin e të dyve.

Pas një parakalimi të shkurtër, ata u ulën ndërsa persona të tjerë fikën zjarrin.